III Xornadas Gastronómicas Padrón sabor a Lamprea

Data/Hora
Fecha(s) - 10/03/2017 - 19/03/2017
Todos el día

Por terceiro ano consecutivo, o Concello de Padrón organiza este evento gastronómico co obxectivo de valorizar e dar a coñecer este recurso desde o punto de vista culinario, pero tamén para salientar o seu grande valor cultural, patrimonial e a súa vinculación co territorio.

As Xornadas Gastronómicas “Padrón, Sabor a Lamprea” celebrarán a súa terceira edición os días 10, 11, 12 e 17, 18, 19 de marzo, dúas fins de semana nas que diversos restaurantes da vila ofrecerán menús especiais e se programarán diversas actividades.

Así, a cita gastronómica será unha nova oportunidade para degustar as propostas da hostalería padronesa arredor deste peixe capturado nas pesqueiras de Herbón. Os menús terán un prezo de 25 euros por persoa e os establecementos participantes son: O Secreto, Chef Rivera, Parrillada Flavia, Restaurante Scala, Casa Farrucán, A Casa dos Martínez, O Alpendre, Cafetería H2O e o Restaurante Gaia.

Ademais das degustacións, esta nova edición das Xornadas Gastronómicas incluirá actividades educativas, culturais e de lecer relacionadas co mundo da lamprea e a súa cultura. Deste primeiro avance do programa destaca a celebración dunha conferencia na que diversos participantes falarán das bondades culinarias deste produto.

Máis información en: www.terrasdeiria.com/lampreapadron