Ponte Romana

Se nos adentramos en Terras de Iria dende o sur, provincia de Pontevedra, cruzaremos por augas do famoso río Ulla por unha ponte cuxas bases foron romanas. Actualmente consta de trece vans, uns con bóvedas oxivais e outros de medio punto. Aínda  se pode apreciar a maxestade da época romana nesta edificación, a pesar das reformas cometidas co paso dos anos.

Construido entre os anos 25 a.C. e o século I d.C. sendo o emperador de Roma Octavio Augusto. Vía de comunicación de máxima importancia, a reforma máis importante dende a súa construcción foi realizada polo Maestro Mateo no ano 1.161, autor do Pórtico da Gloria. O Ulla é fronteira natural entre as provincias de Pontevedra e da Coruña, a ponte serve para comunicar as dúas provincias e máis en concreto dúas vilas veciñas como Pontecesures e Padrón, convertindose así en símbolo de unión.