Rutas de Sendeirismo

A nosa xeografía está composta por paraxes de soños evocadores de épocas pasadas. Os apaixoados por este tipo de contorna, poderán percorrer todo o territorio a través das rutas que lles ofrecemos.

Ruta circular da Cruz de Avelán (Dodro) ↓

Discurre polo monte da Cruz do Avelán e amosa a zona de poboación máis dispersa de todo o Concello.

Entre os puntos de interese da ruta destacan o cruceiro da Cruz de Avelán, o muíño da Devesa, os petróglifos Bouzabadin e plantacións de piñeiros e eucaliptos.

Datos técnicos da ruta:

Tipo: Circular

Distancia: 7,65 km

Tempo medio: 2 h 15 min

Dificultade: Media-alta

Cota inicial: 192 m

Cota máxima: 242 m

Cota mínima: 121 m

Diferenza de cota: 121 m

Pendente máxima: 21%


Ruta circular do Alto da Paxareira (Dodro) ↓

Este itinerario transcorre polo monte Valouta. Ao longo do recorrido pódese coñecer a arquitectura tradicional das casas e hórreos, gozar da contemplación da paisaxe do esteiro do río Ulla, de gran valor ambiental, e camiñar por extensas plantacións de piñeiros e eucaliptos cunha fauna e flora sorprendentes.

Entre os puntos de interese do romeiro, cómpre destacar o miradoiro do Alto da Paxareira.

Datos técnicos da ruta:

Tipo: Circular

Distancia: 4,3 km

Tempo medio: 1h 30 min.

Dificultade: Media

Cota inicial: 36 m

Cota máxima: 146 m

Cota mínima: 24 m

Diferenza de cota: 122 m

Pendente máxima: 20%


Ruta circular de Lestrove (Dodro) ↓

Ao longo deste traxecto vanse descubrir sinais da verdadeira achega dodrense ao patrimonio histórico, etnográfico e cultural. Ademais, coñecerase o seu medio descubrindo rastros e pegadas de animais e dos misterios dunha pequena fraga.

Entre os puntos de interese da ruta destacan a fonte Murillas, o miradoiro de Lestrobe coa súa área recreativa e plantacións forestais.

Datos técnicos da ruta:

Tipo: Circular cun tramo lineal

Distancia: 2,7 km

Tempo medio: 50 min.

Dificultade:  Media-baixa

Cota inicial: 37 m

Cota máxima: 157 m

Cota mínima: 36 m

Diferenza de cota: 121 m

Pendente máxima: 22%


Ruta “Brañas de Laíño” (Dodro) ↓

Percorre un dos espazos húmidos de maior valor medioambiental de Galicia. As brañas de Laíño están integradas na Rede Natura 2000.

A ruta ten como obxectivo dar a coñecer a riqueza paisaxística da zona, a súa fauna e flora.

Entre os puntos de interese da ruta destaca o Alto da Paxareira, dende onde se poden contemplar as brañas.

Datos técnicos da  ruta:

Tipo: lineal cun tramo circular

Distancia: 13 km

Tempo medio: 3 h

Dificultade: Baixa


Ruta de sendeirismo de Rois: ↓

Ruta de dificultade baixa, cunha lonxitude aproximada de 11.000 metros que percorren as beiras dos ríos Sar, Rois e Liñares.

A ruta parte do lugar da Meana, seguindo o curso do río Sar ata chegar ao encontro co seu afluente, o río Rois. Andando a ruta pola marxe deste río podemos gozar de vexetación típica de ribeira como os carballos, bidueiros etc.

Despois dunha hora escasa de travesía, chégase á praia fluvial de Seira, punto en que deixamos a marxe do río para internarse nos núcleos rurais da Peruca, Cornes, O Aido e Carrais, para logo volver a camiñar pola marxe do río Liñares.

A partir deste punto vanse atopar unha serie de muíños, uns deles restaurados. Algún exemplar aínda moe o gran de millo. Un pouco antes de chegar á aldea de Liñares hai que destacar a existencia dun muíño de batán; o que evidencia o importante cultivo de liño que houbo nesta zona.

Nesta parte do río altérnanse prados con carballeiras ata chegar á capela do Soutullo, en Quintáns, lugar onde remata a ruta.

Datos técnicos da ruta:

Tipo: lineal cun tramo circular

Distancia: 11 Km

Tempo medio: 5 h

Dificultade: Baixa

Cota inicial:

Cota máxima: 220 m

Cota mínima: 14 m

Diferenza de cota: 206 m

Maximum gradient: 7