Festas e romarías

Descrición

As Festas da Pascua do Concello de Padrón, son uns dos festexos máis importantes que celebra a Vila Rosaliana, contando cunha tradición de séculos de antigüidade. En 1609 Xerónimo do Hoyo, cardeal de Compostela, escribiu sobre as nosas feiras de gando. Xa por aquel entón unas das máis importantes de Galicia, que se celebraban no Campo Grande e nun souto de castiñeiros, “chegando a elas todo xénero de mercadorías, de gandos, que ían comprar mercadores casteláns e portugueses, para provisión das súas terras” Realizábanse varias ao ano.

“A primeira é por Pascua de Flores e dura tres días, a segunda por Ledanías, e dura outro tres, a terceira, por San Xoán e dura dúas; a cuarta, pola nosa Señora de Setiembre e dura tres días, a última por Todos os Santos e dura dúas. As mellores son as de Pascua, Ledanías e setiembre”. (Xosé Fligueira Valverde, Pascua 1995). Arredor desta feira de gando, uníronse o carácter festivo e relixioso, xa que coincidía coa Semana Santa en proximidade de datas, converténdose actualmente nun referente das festas galegas.

Descrición

As orixes desta festividade remóntanse ao ano 1613. Nesta época, un raio caeu sobre a Igrexa de Santa María a Maior de Iria Flavia durante o transcurso da misa dominical. O incidente tan só causou danos materiais destruíndo unha das torres da antiga colexiata pero sen afectar a ningún dos alí presentes.

Desde este momento, a iniciativa do Cabildo de Iria, constituíuse a festividade, coincidindo coa época en que en Santiago, comezan a conmemorarse os Milagres que se apoian na protección das xentes e os edificios relixiosos de raios ou terremotos por parte de diferentes Santos.Deste xeito, ao longo destes anos perpetuouse unha tradición na que se conxuga a celebración relixiosa coa profana..

Descrición

A historia remóntase a 1987, ano no que a veciñanza se propuxo facer algo co que dar a coñecer ao seu pobo. Ocorréuselles construír unha tixola de tamaño desmesurado con case 3 metros de diámetro, co fin de cociñar nela a tortilla de patacas mais grande do mundo. A idea converteuse nun éxito. Esa festa saíu en todos os medios de comunicación e ata fixo que Carcacía figurase no Libro Guinnes dos records. Este prato gastronómico pódese degustar no Campo da Pousada e a elaboración require a utilización dun guindastre de gran tonelaxe para poder dárlle a volta unha vez que estea feita.

Descrición

Durante esta festividade as rúas e veciñanza de Padrón transfórmanse para volver á época medieval. Pódese gozar dunha multitude de actividades e adquirir unha gran variedade de produtos nos distintos postos de artesanía que están presentes en cada edición da feira. O municipio ambiéntanse con música, bufóns, malabares e demais para a celebración.

Descrición

Celébrase arredor dunha ermida que leva a seu mesmo nome e das penas que, tal e como cita a historia da tradición, foron o lugar escollido polo Apóstolo Santiago para predicar ás xentes do lugar.Todo iso enmarcado nunha paraxe sen igual, para pasar uns días en familia con gaiteiros, cabezudos, gran sardiñada acompañada de bolos preñados, e pan de millo. Ademais, tamén pola súa singularidade, cabe destacar que na tarde do día 24, ten lugar o tradicional gran Derby Asnal, con gran arraigamento entre as veciñas e veciños de Padrón.

Descrición

Parodia das carreiras de cabalos inglesas que converten Padrón nun escenario de sorrisos e glamour. Con cada nova edición gaña en vistosidade e participación. Para esta ocasión especial, as persoas asistentes preparan unha indumentaria moi ao estilo británico onde non faltan as pamelas e sombreiros ornamentados e esaxerados. Música, obradoiros e outras actividades dirixidas a público de todas as idades amenizan esta orixinal xornada.

Descrición

A carballeira do convento dos Franciscanos desta parroquia padronesa é o escenario onde se rende homenaxe desde fai máis de trinta anos aos saborosos pementos que, fritos e ben sazonados con sal, son os reis do tapeo máis típico de Galicia, entre viandas varias e frituras de peixe. Aquí, tras un vistoso desfile de tractores engalanados, ten lugar o pregón da festa e o nomeamento das novas damas e novos cabaleiros da Orde do Pemento de Herbón. Esta recoñece, ademais, cos seus respectivos medallóns os labores de promoción de entidades, persoas ou establecementos hostaleiros, e mesmo o labor realizado no seu cultivo. Ao longo do día a organización reparte gratuitamente arredor de 3.000 kg de pementos.