Brañas de Laíño

As Brañas de Laíño son unha das zonas húmidas máis grandes de Galicia e albergan unha riqueza ambiental de primeira magnitude, protexida pola Rede natura 2000. Teñen unha importante variedade de flora e fauna e presentan exemplares en perigo de extinción. Nelas aniña unha subespecie da escribenta das canaveiras (Emberiza schoeniclus, subespecie lusitánica), endemismo da Península Ibérica.